ذكراك وانت موجود

افتكر أغنية قديمة , واسمعها ..
أغنية كنت بتحبها , حتى لو لسبب قديم , 
فكر شوية كدا وانبسط , قد ايه انت كنت , وقد ايه 
بتكون دلوقتى , وقد ايه اتغيرت , واتقفلت زى وردة 
دبلت يوم , بس رجعت فتحت .. بس بفصل تانى ووقت 
تانى , هو وقتها .

افتكرنى وأنا من يوم فات , ليوم دلوقتى , 
ويوم جاى , مش هكون فيه , أو انت 
مش هتكون .. يمكن ترجع تكون .

افتكرك وانت بتعشق , وبتغنى .. وانت بتبكى
ومفيش سبب يلزم تكون زعلان ... بس حزنك جواك زى 
فرحك ديما موجود وثابت ..
فرحك موجود مش متشاف , زيك وانت موجود
دايما تلاقى , تسكت .. ودايما يحصل , وتسكت .. ولما يغيب , تسكت .. 
فتيجى تتكلم , تسكت ..
وتكره السكات , وتكره الكلام ,

وأعشقك .. وتسمعنى , وأحكى ..
وتفهمنى , وألاقيك موجود .. وانت هنا أو هناك , عندى .