إنتى مش طبيعية

- أصلك مش طبيعية
- ليه بس كدا !!
- انتى فين ,
- فى الدنيا
- مكبرة دماغك دايما
- مش بحب الدوشة ولا الزحمة ,

" وموسيقى تصويرية , صوت وردة ممزوج بصوت بليغ حمدى - مداعبة أصواتهما - وبحبك والله بحبك والله والله والله بحبك قد العيون السووووود بحبك , وانت عارف ما انت عارف ... "

- قد ايه كتيرة وجميلة ..
- مش بقولك مش طبيعية
- برضو !!
- انتى بجد مش شايفة اللى حواليكى , ولا شايفة وانتى كدا
- أو شايفة وبستهبل , ومش عارفة أعمل ايه يعنى ,
بشوف الحل فى المزيكا
- باردة , مستفزة ببرودك !
- مش بحس انى عايشة الا لما احس أكتر بالبرد , وأخد منه البرود
- دا مش كويس
- وايه اللى كويس , اللى انت بتتكلم فيه كويس
أنا مبسوطة كدا
خدر المزيكا , أحسن من الجذب الموجود حواليا زى الدوامة وأنا فى النص
خلينى أبقى فى النص والمزيكا معايا تحوطنى وترفعنى عن مكانى اللى اتوجدت فيه