بصحى من الصداع اللى فى دماغى دا , واللى معدش بيقدر يسيبنى يوم واحد ولو شوية صغيرين ...
هو قالى بلاش مسكنات ... مش عايزك تتعودى عليها لغاية ما تدمنيها ... وخصوصا المسكن اللى باخده دا سهل كمان ادمانه ...
بس ما هو عادى يعنى ... هيجرى ايه لو أدمن مسكن ... على الأقل بيسكنلى وجعى ... يبقى ازاى مادمنوش ولا أحبه يعنى
وكمان أنا قلتلك انك بجد لما تبقى معايا بنساه ... أو يمكن بتناساه ... أما لما مش بتبقى معايا بفضل أقول لدماغى هنسى الصداع هنسى الصداع هنسى الصداع , لغاية ما أتفاجأ انه بيزيد
وأنا معدية قدام مراية ورايحة أغسل وشى بعد ما قررت خلاص انى هقوم من على السرير وهفوق وأبدأ يومى ... لقيت عينيا وارمة , ومش عارفة من ايه ... أنا فاكرة انى نمت متضايقة شوية امبارح ... بس دا كان أقل يوم تقريبا أضايق نفسى فيه ... وشكل عينيا عاقبتنى علشان مبكتهاش زى كل يوم ...
طنشت عينيا ... المهم الصداع دا ... بعدى أجيب مية , وأنا عارفة مكان المسكن , أصل بدأت أخبيه فى مكان خاص بيا لواحدى ... امى فى درج دولابى , أو مكان تانى آمن ... حتى مجاش فى بالى وقتها انى عاملة زى المدمنين فعلا ... لما بيخبوا المخدرات بتاعتم علشان متتكشفش ... ما هو أصل أمى كمان مش عايزانى أخد مسكن ... ولا أبويا ... ولما فى مرة قلت لأختى انى ساعات باخد حبيتين مسكن , والمفروض بيقولولى أخد نص حباية أو حباية لو الصداع كبير أوى يعنى أو مهديش ... بس أنا ببدأ من عند حباية ولو الصداع ماسبنيش باخد الحباية التانية ... المهم أحس بشوية راحة منه ... أختى زعقتلى وقالتلى هتقول لماما ... بس طنشتها
وأنا راجعة بإزازة المية بصيت من الشباك كدا خدت نظرة للبيوت اللى حوالينا ... وكنت باخد نظرة لبيتك هناك ... بتخيلك واقف بتبصلى علشان ماخدش المسكن ... بس مشيت بسرعة , وعلى اوضتى وخدت المسكن ... وخلينى أقولك من دلوقتى أهو انه لو الصداع مرضاش يسيبنى أنا هقوم أخد تانى حباية
ونسيت انك نايم ... مش هعرف أصحيك
هو قالى بلاش مسكنات ... مش عايزك تتعودى عليها لغاية ما تدمنيها ... وخصوصا المسكن اللى باخده دا سهل كمان ادمانه ...
بس ما هو عادى يعنى ... هيجرى ايه لو أدمن مسكن ... على الأقل بيسكنلى وجعى ... يبقى ازاى مادمنوش ولا أحبه يعنى
وكمان أنا قلتلك انك بجد لما تبقى معايا بنساه ... أو يمكن بتناساه ... أما لما مش بتبقى معايا بفضل أقول لدماغى هنسى الصداع هنسى الصداع هنسى الصداع , لغاية ما أتفاجأ انه بيزيد
وأنا معدية قدام مراية ورايحة أغسل وشى بعد ما قررت خلاص انى هقوم من على السرير وهفوق وأبدأ يومى ... لقيت عينيا وارمة , ومش عارفة من ايه ... أنا فاكرة انى نمت متضايقة شوية امبارح ... بس دا كان أقل يوم تقريبا أضايق نفسى فيه ... وشكل عينيا عاقبتنى علشان مبكتهاش زى كل يوم ...
طنشت عينيا ... المهم الصداع دا ... بعدى أجيب مية , وأنا عارفة مكان المسكن , أصل بدأت أخبيه فى مكان خاص بيا لواحدى ... امى فى درج دولابى , أو مكان تانى آمن ... حتى مجاش فى بالى وقتها انى عاملة زى المدمنين فعلا ... لما بيخبوا المخدرات بتاعتم علشان متتكشفش ... ما هو أصل أمى كمان مش عايزانى أخد مسكن ... ولا أبويا ... ولما فى مرة قلت لأختى انى ساعات باخد حبيتين مسكن , والمفروض بيقولولى أخد نص حباية أو حباية لو الصداع كبير أوى يعنى أو مهديش ... بس أنا ببدأ من عند حباية ولو الصداع ماسبنيش باخد الحباية التانية ... المهم أحس بشوية راحة منه ... أختى زعقتلى وقالتلى هتقول لماما ... بس طنشتها
وأنا راجعة بإزازة المية بصيت من الشباك كدا خدت نظرة للبيوت اللى حوالينا ... وكنت باخد نظرة لبيتك هناك ... بتخيلك واقف بتبصلى علشان ماخدش المسكن ... بس مشيت بسرعة , وعلى اوضتى وخدت المسكن ... وخلينى أقولك من دلوقتى أهو انه لو الصداع مرضاش يسيبنى أنا هقوم أخد تانى حباية
ونسيت انك نايم ... مش هعرف أصحيك
ليست هناك تعليقات:
إرسال تعليق