الاثنين، 26 أغسطس 2013

المزيكا أزواق

مش بحب الشكولاتة بنهم , زى اللى بيتجننوا عليها ... بحبها اه , بس بكتفى بقليل منها ... ممكن المانجا أو القهوة تبقى الشيكولاتة بتاعتى 
مش بسمع فيروز بنهم فظيع ... يعنى مش هى بس من المفضلين ليا ... يمكن الست أم كلثوم هى أول الزمن الجميل بأغانيه ... بس بحب فيوز وبحب ليها أغانى كتير جدا 
مش بطيق عمرو دياب , زى اللى بيموتوا على أغانيه ... يمكن كنت حبيتله كام أغنية ليه زمان ... بس برضو معنتش بسمعه - بيقولوا اللى بيحبوه بيحبوا يسمعوا ليه علشان دايما بيجى على الجرح , وان معظم البلد مجروحين - بس لما سمعتله بتحس ان الواحد مثلا ممكن يختار انه يبقى مجروح علشان يقول الأغنية دى اتعملت ليه 
بقيت بحب أزواق تانية للأغانى ... بحب الصوفى جدا وبحب أعيش  معاه ... بياخدنى لعالم تانى مش موجود , زى ما يكون بيرفعنى أوى ... أكتر كلمة مناسبة ليه ( نشوة ) 
بحب دينا الوديدى , مريم صالح , زياد رحبانى , مارسيل خليفة ... وغيرهم كتير ... 
الناس اللى بأغانيهم وصوتهم بس ممكن ينتشلوك من القاع



هناك تعليقان (2):

  1. فعلا ً , المفروض ندّور على الحاجة اللي ترفعنا ... مش تخلينا ندور و نلف حولين الجرح! , اللي عاوز يلف حولين الجرح .. يكفي أنو يقعد و يفتكر الذكريات القديمة ..
    أنا مؤيد لوجهة نظرك في الموسيقى ..:)

    ردحذف

تقييم